Ирон æвзаг, нæ фыдæлты хæзна, у тынг рагон æмæ хъæздыг. Æнусæй æнусмæ алы рæтты цæугæйæ ирон адæмæн уыди бирæ алыхуызон сыхæгтæ. Уымæ гæсгæ не ’взаг у бирæвæрсыг, къабазджын. Ирон æвзаг у, зæххы къорийыл рагондæр цы фондз æвзаджы ис, уыдонæй иу.

Ирон æвзаг æмæ литературæйы Боны агъоммæ арæзт цæуы Глобалон диктант. Цæгат Ирыстоны, Уæрæсейы æмæ алы бæстæты цæрæг ирæттæн дæр фадат вæййы сæ зонындзинæдтæ ирон æвзагæй равдисынæн. ‎

2025 азы 14 майы акци "Глобалон диктант ирон ӕвзагыл" ма бафтыдысты фармацевтон факультеты студенттӕ ӕмӕ Цӕгат Ирыстоны паддзахадон медицинон академийы фармацийы кафедрӕйы ахуыргӕнджытӕ.

Студенттӕ ӕмӕ ахуыргӕнджытӕ ӕхсызгонӕй архайдтой диктант ныффыссыныл, кæцыйæн йæ темӕ уыд "Ирон бинонтӕ". Текст касти Беслӕны 6-ӕм скъолайы ирон ӕвзаг ӕмӕ литературӕйы ахуыргӕнӕг Ӕмбалты Валерия.Диктант фыст куы фесты, уӕд сæ куыстытӕ ӕрвыстой, раздӕр цы электронон адрес амынд уыд, уымӕ.

Архайджытӕ раргом кодтой сӕ курдиат. Ӕхсызгон сын уыд ахӕм мадзалы бацархайын! Уырны сæ, ахæм акци ахъаз кæй фæуыдзæн ирон æвзагæн!